Lyceum magpapalakas sa No. 3

MANILA, Philippines - Palalakasin  pa ng Ly­ce­um Pirates ang pagka­pit sa ikatlong puwesto sa pagharap sa Perpetual Help Altas sa pagpapatuloy ng 90th NCAA men’s basketball tournament nga­yon sa The Arena sa San Juan City.

Sa alas-2 ng hapon ma­gaganap ang tungga­lian at nakataya sa tropa ni coach Bonnie Tan ang ikaapat na sunod na pana­lo na maglalapit din sa ko­ponan sa mga nangu­ngunang San Beda Red Lions at Arellano Chiefs sa magkatulad na 5-1 ba­raha.

Ang huling tinalo ng Pi­­rates ay ang Emilio Aguinaldo College Gene­rals, 73-67, at aasahan ng koponan ang husay ni­na Guy Mbida, Joseph Gabayni, Dexter Zamora at Wilson Baltazar para higitan ang ipakikitang Al­tas na may dalawang su­nod na kabiguan.

“Kailangang maging han­da dahil galing sa da­la­wang sunod  na talo ang Perpetual at tiyak na gustung-gusto nilang makabangon,” wika ni Tan.

Sina Earl Scottie Thompson, Juneric Baloria at Harold Arboleda na naghahatid ng 56 puntos average ang muling sa­san­dalan ng Altas.

Pero dapat na magi­sing ang ibang kasamahan para may makaaga­pay ang kanilang mga ka­mador.

Mag-uunahan din ang Letran Knights at Ge­ne­rals na wakasan ang ka­ma­lasan sa kanilang pagtutuos sa ikalawang laro sa alas-4 ng hapon.

Magkasalo ang dalawang koponan sa magka­tulad na 1-4 karta para sa ika-walo at siyam na puwesto at ang Knights ay may dalawang sunod na kabiguan, habang apat na diretsong talo ang tangan ng Generals.

Babalik sa bench si Le­tran coach Ca­loy Garcia.