Brazil tinalo ang Croatia sa 2014 World Cup

SAO PAULO -- Pitong taon na naging hos­tage sa babala ng ba­yolenteng mga demons­trasyon at nakapanghihinang mga labor strikes, ku­mawala ang World Cup noong Huwebes nang bigyan ng Brazil ng bu­hay ang torneo mula sa pa­mumuno ni Neymar sa kanilang 3-1 panalo laban sa Croatia.

Sina Neymar at Oscar ang nagbida para sa natu­rang tagumpay ng Brazil.

Naiwanan sa 0-1 sa pang-11 minuto mula kay defender Marcelo, nai­­tabla ng forward na si Neymar ang Brazil sa kan­yang tirada sa labas ng box.

Sinundan ito ng kanyang penalties sa second half.

Si midfielder Oscar ang sumelyo sa tagumpay ng Brazil nang maisalpak ang kanyang goal sa stoppage time kasabay ng pagdiriwang ng 62,103 ma­nonood sa Corinthians arena.

Para sa 22-anyos na si Neymar, ang pag-iskor ng dalawang beses sa isang gabi sa pagbabalik ng World Cup sa tahanan ng football ay hindi niya na­panaginipan.

“I’m very happy, real­ly happy indeed, more than I ever dreamed or imagined,” sabi ni Neymar.

Nagsayawan ang ka­ni­lang mga fans na nakasuot ng dilaw na damit.