UAAP Season 77 tatalakayin sa PSA Forum ngayon
MANILA, Philippines - Papagitna ang usapin para sa darating na Season 77 ng UAAP sa pagbabalik ng lingguhang Philippine Sportswriters Association (PSA) Forum sa Shakey’s Malate.
Ilalahad ni Rodrigo Roque, ang athletic director ng host University of the East at board secretary-treasurer, ang kanilang ginagawang paghahanda para sa darating na UAAP season.
Tatalakayin din sa sesyon na isinasaere ng DZSR Sports Radio 918 at inihahandog ng Shakey’s, Accel at Philippine Amusement and Gaming Corporation ang Run for Executive Order 255 na inorganisa ng Organisasyon ng Pilipinong Mang-aawit (OPM).
Ito ay pakakawalan sa Mayo 18 sa Greenhills sa San Juan.
Si Emmet Penson ang mangunguna sa talakayan.
Ang PSA ang pinakamatandang media organization sa bansa at maaaring bisitahin sa website http://www.psamedia.ph.
- Latest
