Galedo panauhin sa PSA Forum ngayon
MANILA, Philippines - Si 2014 Le Tour champion Mark Galedo ang babandera sa listahan ng mga bisita para sa Philippine Sportswriters Association (PSA) Forum ngayong umaga sa Shakey’s Malate.
Ilalahad ni Galedo ang kanyang mga plano sa programang isinasaere sa DZSR Sports Radio 918 at inihahandog ng Accel, Shakey’s at ng Philippine Amusement and Gaming Corporation matapos maghari sa katatapos lang na four-day Le Tour.
Magiging panauhin din sa weekly forum si coach Ali Go ng Ceres-La Salle FC na sasabak sa President’s Cup sa Bacolod at ang mga kalahok sa second leg ng Petron Ladies beach volleyball tournament kasama si organizer Tisha Abundo.
Ang kukumpleto sa listahan ng mga bisita ay ang grupo ng Shell Advance Asia Talent Cup na binubuo nina Emi Arboleda, marketing and communications manager ng Pilipinas Shell, Shell Lubricants Philippines general manager Dennis Javier at Shell Advance Asia Talent Cup participant Ralph Kenneth Torres.
- Latest
