No. 1 seat target ng Davao Lady Agilas

MANILA, Philippines - Ikaapat na sunod na pa­nalo na maglalagay sa Davao Lady Agilas bi­lang No. 1 team sa ka­nilang grupo ang hanap ni­la sa pagsukat sa UST Tigres­ses sa pagpapatuloy ng Sha­key’s V-League Season 11 First Conference nga­yon sa The Arena sa San Juan City.

Sa ganap na alas-2 ng ha­pon ang bakbakan at na­lalagay ngayon  bilang pa­borito ang bagitong ko­po­nan na kinalos ang mas beteranang teams na FEU Lady Tamaraws, Perpetual Help Lady Altas at nagdedepensang Na­tional University Lady Bulldogs sa Group A.

Saluhan ang Arellano Lady Chiefs at Ateneo Lady Eagles ang gagawin ng Adamson Lady Fal­cons sa pagharap sa St. Be­nilde Lady Blazers sa ika­lawang laro sa alas-4 ng hapon.

Pasok na ang dalawang koponan sa quarter­finals sa ligang inorga­nisa ng Sports Vision ka­tuwang ang Shakey’s pe­ro mahalaga pa rin ang makukuhang panalo pa­ra sa kanilang puwesto pa­pasok sa susunod na round.

Nakikitaan ng galing si­na May Agton, Jocemar Ta­pic, Venus Flores, at Mae Antipuesto kaya’t na­kadagit agad ng tatlong ma­gagandang panalo ang bisitang koponan.

Tiyak na masusukat muli ang kanilang deter­minasyon sa Tig­resses ligang may suporta pa ng Mikasa, Accel at Lion Tiger Mosquito Coil.

Ang bata pero mahusay na si Ennajie Laure ang mangunguna sa pag-atake sa UST pero may ma­aasahan din siyang su­porta kina Pam Lasti­mosa, Carmela Tunay, Ma­rivic Meneses, Rhea Di­maculangan at Jan Du­sa­ran.