Lady Eagles sa quarterfinals
MANILA, Philippines - Dinagit ng UAAP champion na Ateneo ang ikatlong puwesto sa quarterfinals sa Group A mula sa 25-15, 25-19, 25-20 panalo sa St. Benilde sa Shakey’s V-League Season 11 First Conference kahapon sa The Arena sa San Juan City.
May 11 kills at 2 aces tungo sa 13 puntos si Alyssa Valdez, habang may 7 kills at 2 blocks para sa 10 puntos si Michelle Morente upang pangunahan ang Lady Eagles sa paghablot ng ikatlong panalo matapos ang apat na laro at matulad sa Arellano Lady Chiefs (4-1) at Adamson Lady Falcons (3-1) na nakapasok sa quarterfinals.
Si Jeanette Panaga ang nanguna sa Lady Blazers sa kanyang 10 puntos pero kinulang siya ng suporta para bumaba ang koponan sa 1-2 karta sa ligang inorganisa ng Sports Vision katuwang ang Shakey’s.
Kailangan ng St. Benilde na talunin ang St. Louis bukas para tapusin ang tagisan para sa puwesto.
Nagpakilala naman ang baguhang Davao Lady AgiÂlas nang sorpresahin ang FEU Lady Tamaraws, 25-20, 25-19, 20-25, 25-22, sa unang laro para sa kaÂnilang unang panalo sa ligang may ayuda ng Mikasa, Accel at Lion Tiger Mosquito Coil.
- Latest
