Adamson at NU umabante sa quarterfinals ng V-League

MANILA, Philippines - Ipinoste ng Adamson University ang kanilang pangatlong sunod na panalo matapos gibain ang Arellano University, 17-25, 24-26, 25-14, 25-19, 15-11, at kunin ang ikala­wang quarterfinal ticket sa Group A sa Sha­key’s V-League Season 11 First Conference ka­hapon sa The Arena sa San Juan City.

Sa ikalawang laro, ti­nalo ng nagdedepensang  National University ang Far Eastern University, 25-19, 25-23, 25-19, pa­pa­sok sa quarterfinals.

Nagbida sina relie­vers Amanda Maria Villanueva at Ma. Erika Gel Alkuino sa huling tatlong sets para sa pagresbak ng Lady Falcons mula sa pag­kakaiwan sa kanila ng Lady Chiefs sa season-opening conference ng ligang suportado ng Sha­key’s.

Nagtala si Villanu­e­va ng 9 hits, habang may dalawa si Alkuino pa­ra sa pangatlong dikit na ratsada ng Adamson ma­tapos matalo sa UAAP champions na Ateneo La­dy Eagles sa pagsisimula ng torneo noong Marso 23.

Winakasan ng Arella­no ang single round elims mula sa kanilang 4-1 record.

Tatapusin ng Adamson ang kanilang kam­pan­ya sa eliminasyon sa Abril 27 sa pagsagupa sa St. Benilde.

Naglista si Shiela Pi­neda ng 17 kills bukod pa sa 2 blocks at 2 service aces, habang may 18 hits naman si dating ace spi­ker Pau Soriano.

Nag-ambag naman si Thai guest player Patcharee Sangmuang ng 15 mar­kers.

May pinagsamang 28 sa 50 excellent digs ng Lady Falcons sina Pineda at Sangmuang.