Anderson ng Pelicans out na sa season

NEW ORLEANS – Inihayag ng New Orleans Pe-licans na hindi na makakalaro si forward Ryan Anderson ngayong season dahil sa herniated cervical disc na siyang dahilan kung bakit hindi pa siya nakakalaro noong January.

Nakatakdang operahan ang leeg ni Anderson sa April 8 para ayusin ang kanyang injury na nakuha niya nang bumangga siya kay Gerald Wallace ng Celtics sa Boston noong Jan. 3.

Ang 6-foot-10 na Pelicans forward, nag-a-average ng 19.8 points sa kanyang unang dalawang buwan sa season, ay sumasailalim sa routine evaluations ng halos tatlong buwan na para malaman kung magiging mabilis ang paggaling ng kanyang injury at kung hindi na kailangang operahan.

Ngunit ayon sa mga team officials, nakita ng mga doctor na nagmo-monitor kay Anderson na kailangan siyang operahan para magkaroon ng tsansa na makarekober ng husto.