MIAMI -- Humugot si Dwyane Wade ng 13 sa kanyang 22 points sa final period at pinamunuan ang isang 12-0 atake, habang bumandera si LeBron James sa kanyang 23 points para ihatid ang Miami Heat sa isang playoff spot matapos talunin ang Washington Wizards, 99-90.
Tinapos ng Heat ang kanilang three-game losing slump sa kanilang pananaig sa Wizards.
“We needed a win,’’ ani Wade. “We needed this win.’’
Tumapos si Chris Bosh na may 22 para sa Heat (44-17) na nakadikit sa Indiana (46-17) sa labanan paÂra sa No. 1 seed sa Eastern Conference kasunod ang San Antonio (46-16).
Nag-ambag si Ray Allen ng 13 para sa Miami, nakalasap ng kabiguan sa Houston, San Antonio at Chicago.
Tumipa naman si Bradley Beal ng 18 points, saÂmanÂtalang may 17 si Martell Webster at 15 si Drew Gooden sa panig ng Wizards.
Naglista si Marcin Gortat ng 14 points at career-high-tying 18 rebounds, 10 dito ay sa first quarter.
Lumamang ang Washington sa 84-83 sa fourth period bago kumamada si Wade para sa Miami.
Isinalpak ni Wade ang isang three-point play na nagÂpalamang sa Miami kasunod ang kanyang assists sa tatlong basket ng kanyang koponan bukod pa ang isang short jumper.
Ang 3-pointer ni Bosh at layup ni James ang tuluÂyan nang sumelyo sa tagumpay ng Heat laban sa Wizards.