Tennis at football pag-uusapan sa PSA
MANILA, Philippines - Bibisita ang mga tennis officials ngayong umaga sa Philippine Sportswriters Association (PSA) Forum sa Shakey’s Malate para talakayin ang pinakamatandang juniors net tournament sa bansa.
Ilalahad ni Philippine Tennis Association (Philta) president Mayor Edwin Olivarez kasama ang mga executives ng Mitsubishi Motors Phi-lippines ang pagdaraos ng Mitsubishi Lancer International Juniors Championship sa nasabing ses-yon na isasaere ng DZSR Sports Radio 918 at inihahandog ng Shakey’s, Accel at Philippine Amusement and Gaming Corporation (PAGCOR).
Makakasama ni Mayor Olivarez sina Mitsubishi vice president for marketing services Froilan Dytianquin, senior manager for advertising at PR Arlan Reyes, Philta vice president Randy Villanueva, secretary general Romeo Magat at dating tennis association president at kasalukuyang PSC Commissioner Salvador Andrada.
Dadalo din ang Touch Football Pilipinas na namayani sa Oakwood Bangkok Rugby 10s sa Thailand.
Sina CEO Rey Gigataras, team captains Clair Barberis at Nerice dela Cruz at mga players na sina Joan Javier at Arabelle Jimenez ang kakatawan sa Touch Football Pilipinas.
Maaaring makipag-ugnayan sa PSA sa official website na www.psamedia.ph.
- Latest
