Falcon Run 4 pakakawalan bukas

MANILA, Philippines - Magsasagawa ang Adam­­son University ng ka­­­nilang taunang Falcon Run 4 na isang sports at fund-raising event bukas sa Cultural Center of the Phi­lippines Complex sa Ma­nila.

Higit sa 10,000 runners ang inaasahang lalahok sa karerang magsisi­mula sa ganap na alas-6 ng umaga.

Ang call time ng event na magpapasimula sa isang linggong pagdiriwang sa 82nd Foundation An­niversary ng Adamson University ay sa ganap na alas-4 ng umaga.

Sapul nang ilunsad no­ong 2011, matagum­pay na nakalikim ng pon­do ang Falcon Run para sa mga scholarship prog­rams ng paaralan.

Ang event ay pangu­ngunahan nina University President Fr. Gregg Bañaga Jr., CM kasama ang mga vice-presidents at iba pang top administration officials katuwang si da­ting PBA player at nga­yon ay isa sa mga assistant coaches ng Soaring Falcons na si Vince Hizon at ang kanyang asawang si Patricia Hizon na tata­yong hosts.

Ang Falcon Run ay inor­ganisa ng Office for Ins­titutional Advancement.