Rematch mahalaga kina Pacquiao at Bradley

MANILA, Philippines - Para kay promoter Bob Arum, nai­pakita na ni Manny Pacquiao ang ka­han­daan sa pagbabalik sa kanyang pa­matay na porma nang dominahin si Bran­don ‘Bam Bam’ Rios sa kanilang non-title, welterweight fight noong Nob­yembre 24 sa Macau, China.

Ang susunod na tanong ay kung ma­papanatili ito ng Filipino world-eight di­vision champion sa kanilang rematch ni world welterweight titlist Timothy Bradley, Jr.

Ginitla ni Bradley (31-0-0, 12 KOs) si Pacquiao (55-5-2, 38 KOs) para hu­ba­ran si ‘Pacman’ ng suot nitong World Bo­xing Organization (WBO) welterweight crown noong Hunyo 9, 2012.

Matapos ito ay pinatumba si Pacquiao ni Juan Manuel Marquez (55-7-1, 40 KOs) sa sixth round sa kanilang ika­apat na banggaan noong Disyembre 8, 2012.

“As far as Manny is concerned, he looked like a dominant force going in­to the Bradley fight. Then he had the knockout loss to Marquez. And that cer­tainly was something to take into account; how would he react to getting knocked out so decisively? I think he answered that part in the Rios fight but questions still remain with Manny and we’ll see when Bradley tests him,” ani Arum ng Top Rank Promotions.

Nakatakda ang rematch ng 35-an­yos na si Pacquiao at ng 30-anyos na si Bradley sa Abril 12 sa MGM Grand sa Las Vegas, Nevada.

Sinabi ni Arum na parehong maha­la­ga para kina Pacquiao at Bradley ang re­match.

“I think it’s a very important fight for both of them. Bradley got the decision over Manny and Manny wants revenge and to get his title back. That’s important for him,” ani Arum.

“As far as Tim is concerned, he ne­ver got credit for winning the fight and now he wants a decisive win to prove that he’s the better fighter,” dagdag pa ng promoter.