Mayor Dualan Trophy Race pakakawalan sa San Lazaro

MANILA, Philippines - Tampok na karera sa pag­tatapos ng isang linggong karera sa tatlong mag­kakaibang race tracks nga­yon ang paglarga ng Ma­yor Junio C Dualan Tro­phy Race sa San La­zaro Leisure Park sa Carmo­na, Cavite.

Anim na kabayo ang maglalaban-laban sa 1,200-metro distansya at ang mananalo ay magka­karoon ng karapatang ma­i­u­wi ang paglalabanang P180,000.00 premyo.

Ang mga kasali ay ang Purple Ribbon (Dan Ca­mañero), Bruno’s Cut (JB Hernandez), Ama­zing Migs (RR De Leon), Michika (RA Tablizo), Angat Ang Pinoy (FM Ra­quel Jr.), Royal Jewels (DH Borbe Jr.).

Hindi malayong ma­pa­boran ang kabayong aa­­kayin ni Borbe matapos ma­nalo noong Setyembre 10 sa Santa Ana Park laban sa Extra Ordinary.

Tiyak namang hindi basta-basta susunod at asa­han na makikipagbali­katan ang ibang kalahok da­hil sa premyong pag­lalabanan.

Ang isa pang karera na may added prize ay ang race five na isang 3YO Maiden Race na inilagay sa 1,300-metro distansya.

Halagang P10,000.00 na ibibigay ng Philracom sa mananalong kabayo ang dagdag benepisyo ng mananalo sa hanay ng wa­long maglalaban.

Ang mga kasali ay ang Lookin at Lucky, Gangnam Style, Bright Valor, Yes Friday, Silver Wings, Tabitha, Star Trick at Ho­norable Joe.

Inaasahang mapapa­boran ang Silver Wings na didiskartehan ni Pat Di­lema dahil sariwa ito sa pag­takbo sa mas mataas na 3YO and Up race at tu­mapos ito sa pang-apat na puwesto.

May paglalabanang P200,005.86 na carry-over sa Super Six sa hu­ling karera.