Army, Smart-Maynilad pag-aagawan ang No. 2 seat

MANILA, Philippines - Paglalabanan ng Ar­my at ng Smart-Maynilad ang ikalawang puwesto, ha­­bang hangad naman ng Air Force  ang quarter­fi­nals seat sa Shakey’s V-League Season 10 Open Con­ference sa The Are­na sa San Juan City.

Ika-limang panalo ang maitatala ng mana­na­lo sa pagitan ng Lady Troopers (4-1) at Net Spikers (4-2) sa kanilang laro ngayong alas-4 ng hapon.

Unang magsasagupa ang Air Force at ang Phi­lippine National Police sa alas-2 ng hapon at ikaapat na tagumpay ma­tapos ang anim na laro ang masusungkit ng Air Women pa­ra makausad sa quarterfinals.

Asahan na magiging mainit ang laban ng PNP na nais na wakasan ang apat na sunod na pagka­talo at malagay sa panga­lawa sa huling puwesto sa walong koponang liga na may ayuda pa ng Accel at Mikasa.

Tinapos ng Net Spi­kers ang dalawang sunod na pagkatalo nang pabagsakin ang Philippine Na­vy via straight sets nang maglaro sa unang pagka­ka­taon sa koponan si Thai import Kesinee Lithawat

May 20 hits si Lithawat para pagtibayin ang ata­ke ng tropa ni coach Ro­ger Gorayeb na dating iniaasa kina Sue Roces, Maru Banaticla, Gretchel Soltones at Charo Soria­no.

Hindi naman magpa­pa­daig ang Army kung labanan sa net ang pag-uusapan dahil nasa koponan si­na Jovelyn Gonzaga, MJ Balse Angela Benting, Michelle Carolino at Rachel Anne Daquis.