Judiciary, MMDA at AFP nagwagi

LARO SA LINGGO

(Pasig Sports Center)

2:30 p.m. DOJ vs Congress-LGU

4:00 p.m. MMDA vs AFP

5:30 p.m. Judiciary vs PNP

MANILA, Philippines - Tinalo ng Judiciary ang PhilHealth, 103-85, tam­pok ang 24 points at 15 boards ni dating PBA pla­yer Don Camaso, para manatili sa solong ikala­wang puwesto sa 1st UNTV Cup noong Linggo sa Ynares Sports Arena sa Pasig City.

Nagtumpok naman ng pinagsamang 57 markers sina John Hall, Ariel Capus, Julius Caesar Rabino at Jose Midas Marquez pa­ra sa Judiciary (3-1).

Tumipa si Carlo Capa­ti ng 31 markers sa panig ng Phil­health (2-2).

Nasa ikaapat na posis­yon ang PhilHealth sa nasabing seven-team league na inorganisa ni Breakthrough and Milestones Pro­duction International Chair­man at CEO Daniel Ra­zon.

Tinalo naman ng Metro Manila Development Authority ang Depart­ment of Justice, 108-72, ha­bang pinayukod ng Ar­med Forces of the Philippines ang Congress-LGU, 110-83.

Pinalakas ng MMDA (2-1) ang kanilang tsansa para sa Final Four.