Krzyzewski coach pa rin ng US national team

MANILA, Philippines - Noong 2006, hinirang si Duke University coach Mike Krzyzewski bilang coach ng United States Olympic basketball team.

Kinailangan ng mga mayayamang NBA stars ng isang college coach para madisiplina.

Matapos ang pitong taon at dalawang gold me-dals, inihayag ni Krzyzewski na patuloy siyang magiging coach ng koponan hanggang sa 2016 Olympics sa Brazil.

Nauna na niyang sinabi na hindi na niya gigiyahan ang tropa.

Inihayag ng 66-anyos na si Krzyzewski na tapos na siya sa USA Team matapos kunin ang gold sa London Olympics noong nakaraang Agosto. Naintindihan siya ng lahat.

Inaasahan niya ang pagsilang ng kanyang pang-siyam na apo at may magandang trabaho bilang college coach. Papasok si Krzyzewski sa kanyang pang-39th season bilang college head coach.