UAAP may bagong rule sa mga rookies

MANILA, Philippines - Makakalaro ang kontrobersiyal na incoming freshman player na si Jerie Pingoy sa nalalapit na UAAP basketball wars base sa statement na ipinakalat sa media kahapon na nagsasabing  pina-yagan na ang mga incoming rookies na lumipat sa ibang UAAP mula sa isang UAAP school din sa likod ng  inaprobahang two-year residency rule sa kaagahan ng taon.

Ngunit kailangang kumuha ang mga freshmen transferees ng release papers mula sa eskuwelahang kanilang pinanggalingan para hindi masaklawan ng residency rule kung hindi ay kailangang dumaan sa two-year residency para makalaro.

“The UAAP Board of Trustees, at its Annual Board Meeting held on April 24, with all of the member universities duly represented, promulgated and approved the following explanatory rule to the two-year residency requirement effective UAAP Season 76 (School Year 2013-2014),” ayon sa  statement ng UAAP.  “An incoming collegiate athlete who is a high school graduate from a UAAP member university and enrolled prior in another member university shall take a mandatory two-year residency, except when a prior release is issued by the member university for the athlete concerned.”