Homecourt advantage tatangkain ng SMBeermen

LARO NGAYON

(Nimibutr Stadium, Bangkok, Thailand)

6 p.m. Thailand

Slammers

vs San Miguel Beer

MANILA, Philippines - Paiigtingin pa ang pag­hahabol sa  homecourt ad­vantage sa playoffs ang dag­dag motibasyon sa San Miguel Beer sa pagbi­sita sa Nimibutr Stadium sa Bangkok, Thailand pa­­ra harapin ang Sports Rev Thailand Slammers sa ASEAN Basketball League ngayong gabi.

Ang laro ay itinakda sa ganap na alas-6 ng gabi at ika-11 sunod na panalo din ang makukuha ng Beer­men kung makayang hi­yain uli ang Slammers.

Ito ang ikalawang ta­gisan ng dalawang kopo­nan at naunang naiuwi ng Beermen ang 77-73 pa­nalo noong Pebrero 13 sa na­sabing venue.

Sakaling makadalawa ang tropa ni coach Leo Austria, aangat ang kopo­nan sa 14-3 karta at halos sel­yado na ang homecourt advantage dahil ang nag­hahabol na Westports Malaysia Dragons (9-8) ay hanggang 14 wins lamang ang makakayang gawin kung walisin man ang  li­mang huling laro.

Wala si Chris Banche­ro bunga ng left quadriceps tendon tear pero buo pa rin ang puwersa ng ko­ponan dahil kina Asi Tau­lava, Brian Williams, Jus­tin Williams, Leo Ave­ni­do at ang pamalit na si Hans Thiele.