Bumandera ang Don Joaquin

MANILA, Philippines - Bumandera sa hu­ling 10-metro ang Don Joa­quin upang manalo sa apat na kabayong nag-uunahan sa meta noong Sa­bado sa San Lazaro Lei­sure Park sa Carmona, Ca­vite.

Naipasok ni jockey JPA Guce sa balya ang Don Joaquin matapos ma­antala dahil nasa unahan ang Yes Mayor at Zehn Yap at dahil maluwag na ang daanan ay nakaharurot at maunang tumawid sa meta.

Paborito ang Don Joaquin sa karera at unang lumusot ang ulo ng kabayo sa pumangalawang at dehado pang Yes Mayor ni LT Cuardra Jr. bago dikit na tumawid ang second choice Zehn Yap at Tigerous Sword.

Isang handicap race (2) ang karera na pinaglabanan sa 1,400 metrong dis­tansya at ang winning time ng Don Joaquin ay nasa 1:34.6 sa kuwartos na 12’, 25’, 26’, 30 ku­war­tos.

Ikalawang sunod na pa­nalo rin ito ng tambalan at pinangatawanan ang pa­giging paborito sa 13 ka­bayo na naglaban para ma­kapaghatid ng P8.00 di­bidendo.

Dehado ang Yes Ma­yor kaya’t umabot sa P116.50 ang dibidendo sa 4-12 forecast.

Ibayong bilis din ang na­kita sa kabayong Con­quis­ta Roll para manalo sa class division 6 na pi­naglabanan sa 1,400m.

Nalagay sa ikaapat na puwesto ang kabayong.

Nakapaghatid ang Su­­long Pinoy ng P6.50, ha­bang P132.50 ang ibinigay sa 5-11 forecast.