Accel-Pba Press Corps player of the week

MANILA, Philippines - Pagkatapos magtala ng conference-high na 37 puntos kabilang na ang isang season-high na siyam na triples sa 95-91 na overtime win ng Air21 kontra sa Petron Blaze noong Sabado na nagbigay sa Express ng quarterfinals berth at playoff appearance sa pa-ngalawang sunod na conference, hindi na nakakapagtaka na si KG Canaleta ang nahirang na Accel Player of the Week ng PBA Press Corps para sa linggong April 8-14.

 Bukod sa pagtatala ng pinakamataas na iskor sa isang laro ng isang local sa kasalukuyang PBA Commissioner’s Cup, malaking impact din ang ginawa ni Canaleta sa naging panalo ng Express.

 Bukod pa sa pagtatala ng season-high para sa pinakamaraming triples sa isang laro, pinarisan din ni Canaleta ang all-time franchise record ng Air21 para rito na tatlong beses ginawa ni Renren Ritualo, ang pinakahuli ay noong Jan. 27, 2006 sa 2005-06 Fiesta Conference sa 101-87 panalo ng Express sa Game 3 ng best-of-7 semifinals laban sa Purefoods.

 Ang ginawa na iyon ni Ritualo tungo sa kanyang career-high 40 points ang huling beses sa katunayan na may naka-siyam na triples sa isang laro ang isang local player bago tinapatan ni Canaleta at pinakahuli overall mula nang naka-siyam din sa 2011 Governors Cup si Talk ‘N Text import Scottie Reynolds laban sa B-Meg din at sa semis din.