Blackwater, NLEX wagi

MANILA, Philippines - Hindi bumigay ang Blackwater Sports sa pagbangon ng Jumbo Plastic patungo sa 72-69 panalo para masolo ang liderato sa PBA D-League Foundation Cup kahapon sa Ateneo Blue Eagle Gym sa Katipunan, Quezon Ci­ty.

Naglaho ang mala­king12 puntos na kala­mangan, 61-49, sa kala­git­naan ng huling yugto, hu­mugot ang Elite ng tibay kina Justin Chua at Gio Ciriacruz para kunin ang ikalimang panalo sa anim na laro.

Si Ciriacruz ay pumukol ng ikapitong tres sa la­ro ng Blackwater para ibigay ang 69-62 abante bago umiskor si Chua sa ilalim mula sa pasa ni Allan Mangahas upang manatiling angat ang koponan sa 71-65 sa huling 40 segundo ng labanan.

May 12 puntos at 10 rebounds si Chua, habang si Ciriacruz ay may 11 ka­tulad ni Kevin Ferrer.

Nagsolo ang Black­wa­ter dahil tinapos ng NLEX ang apat na sunod na pagpapanalo ng Café France sa ikalawang laro, 85-62.

Tinabunan ng Road Warriors ang 27-33 halftime  deficit pabor sa Ba­kers gamit ang 33 puntos sa ikatlong yugto.