Donaire inaming hindi mapapantayan ang record ni Manny Pacquiao

MANILA, Philippines - Ilang beses nang sinabing si Noni­to ‘The Filipino Flash’ Donaire, Jr. ang su­sunod sa mga yapak ni Filipino world eight-division champion Manny Pacquiao.

At ilang ulit na ring inihayag ng uni­fied world super bantamweight tit­list na marami pa siyang kakaining bigas para mapantayan ang karangalang nakamit ng 34-anyos na si Pacquiao.

“I don’t really think about follo­wing in his footsteps. I go in there and give the best performance that I can,” sa­bi ng 30-anyos na si Donaire, isang four-division titlist, sa panayam ng Bad Left Hook.

Si Pacquiao (54-5-2, 38 KOs) ang nag-iisang Asian boxer na nagkampeon sa walong magkakaibang weight divisions, habang nagkampeon naman si Do­naire (31-1-0, 20 KOs) sa weight classes.

Dalawang beses natalo si Pacquiao no­ong nakaraang taon, samantalang apat na­man ang naipanalo ni Donaire para hi­ra­ngin bilang ‘2012 Fighter of th Year’ ng iba’t ibang boxing websites.

Nakatakdang labanan ni Donaire, tu­bong Talibon, Bohol, si Guillermo Ri­gondeaux (11-0-0, 8 KOs) sa Abril 13 sa Radio City Music Hall sa New York.