Pierce hindi nakasama ng Boston sa Minnesota

MINNEAPOLIS -- Hindi sumama si Boston Cel-tics forward Paul Pierce sa pagbiyahe ng koponan patungong Minnesota nitong Lunes dahil sa personal na dahilan.

Sinabi ni coach Doc Rivers na hindi niya inaasa-hang magtatagal ang hindi paglalaro ni Pierce.

Ito ang ikalawang pagkakataon na hindi nakita sa aksyon si Pierce ngayong season para sa Celtics.

Nakamit ng Boston ang kanilang pang-anim na kabiguan sa huling walong laro bago nagtungo sa Minnesota.

Hindi rin naglaro si Kevin Garnett laban sa kanyang dating koponan bunga ng pamamaga ng kanyang kaliwang bukung-bukong, habang buong season naman ang ipapahinga ni Rajon Rondo dahilan sa napunit na ACL sa kanyang kanang tuhod.

Si Courtney Lee ang siyang sumalo sa trabaho ni Pierce laban sa Timberwolves.