Bobby Parks namatay dahil sa kanser

MANILA, Philippines - Tuluyan nang iginupo ng kanyang sakit na kanser si seven-time PBA Best Import awardee Bobby Parks, Sr. ka­hapon.

Si Parks, dating head coach ng San Miguel Beermen sa Asean Bas­ket­ball League, ay 51-anyos.

Nauna nang nakitaan ng laryngeal cancer si Parks noong nakaraang taon bago ito lumala nitong Peb­­re­ro.

Inihayag ng kanyang pamilya ang paglisan ni Parks ganap na alas-4:55 ng hapon sa San Juan De Dios Hospital.

Isa sa mga nalungkot sa pagkama­tay ni Parks, ang anak na si Bobby Ray ay isang UAAP MVP awardee pa­ra sa National University Bulldogs, ay si Gilas Pilipinas head coach Chot Reyes.

Idinaan ni Reyes ang kanyang pakiki­dalamhati sa pamamagitan ng kanyang Twi­tter account.

“More than his 7 Best Import Awards Bobby brought in an un import-like work ethic, in contrast to d ‘pa-star’ ways of most imports then & now,” wika ni Re­yes sa 6-foot-4 na si Parks.

Iminungkahi din ni Reyes kay PBA Com­missioner Chito Salud na tawaging ‘Bobby Parks Trophy’ ang Best Import award.

“In response to twitter clamor, My text to Com Salud: ‘Maybe d PBA can name d Best Import Award as d “Bobby Parks Trophy”, ani Reyes.