Pat Dilema nagtala ng 3-panalo

MANILA, Philippines - Nasilayan uli ang husay ni Pat Dilema nang makapaghatid ito ng tatlong panalo sa idinaos na pista noong Linggo sa  San Lazaro Leisure Park sa Carmona, Cavite.

Isinelebra sa bakuran na pag-aari ng Manila Joc-key Club Inc. (MJCI) ang Actor’s Guild Racing Festival at si Dilema ang lumabas na winningest jockey sa araw na ito matapos kumubra ng mahigit na kalaha-ting milyong piso sa tatlong dikit na panalo.

Unang kabayo na kuminang si Dilema ay sa The Guardian na lumahok sa Sen. Ramon ‘Agimat’ Revillar Sr. Trophy Race na nilahukan ng 11 kabayo na nagtagisan sa 1,500m distansya.

Pawang mga Australian horses ang sumali sa karerang nabanggit at tinalo ng The Guardian ang tulad nitong dehado na Gee’s Melody na sakay ni Jonathan Hernandez.

Ang Diamond Dane na second choice ay puma-ngatlo lamang sa datingan.

Galing sa likod ang The Guardian na kumawala sa rekta tungo sa halos limang dipang panalo sa rumemate ring Gee’s Melody.

Nagpasok ang panalo ng P300,000.00 unang gantimpala sa winning connections ng The Guardian habang ang win ay nagpamahagi ng P28.50 at ang forecast na 4-10 ay mayroong P917.50 dibidendo.

Ang Snake Queen sa race 10 ang isinunod ni Dilema para kunin ang P180,000.00 unang premyo mula sa P300,000.00 na pinaglabanan habang ang Yes Yes Yes ang tumapos sa magandang naipakita ni Dilema matapos manalo sa Maker’s Mark sa race 11.