Sweet Julliane wagi sa Oh So Discreet

MANILA, Philippines - Pinangatawanan ng coupled entries Sweet Jul­liane at Oh So Discreet ang pagiging paborito sa nilahukang karera na nangyari noong Biyernes sa pagpapatuloy ng pista no­ong Biyernes sa Metro Ma­nila Turf Club Inc. sa Mal­var, Batangas.

Ang Sweet Julliane ang siyang kumuha ng pa­nalo, habang sumegun­da ang Oh So Discreet pa­ra lumabas din bilang pi­nakaliyamadong ka­ba­yo na nanalo matapos mag­hatid ng P6.00 ang di­bidendo sa win sa race one na isang class division 1 race sa 1,400-metrong dis­­tansya.

Si RV Leona ang hinete ng Sweet Julliane na kumilos pagpasok sa kalagitnaan ng karera upang ku­nin ang liderato sa na­u­nang namayagpag na Aquarius ni BL Valdez.

Mula rito ay hindi na binitiwan pa ng nanalong kabayo ang bentahe, habang rumemate sa rekta ang Oh So Discreet na sa­kay si Russel Telles.

Ang Aquarius ang pu­mangalawa sa datingan at dahil dehado ito sa bentahan, ang 6-2 forecast ay naghatid ng P99.00 dibidendo sa forecast.

Ang pinakadehadong ka­bayo na nagpasikat sa ikatlong gabi ng panga­nga­rera sa bagong bukas na race track ay ang Telenovela sa race three na isang class division 1A at isinagawa sa 1,200m distansya.

Ginamitan ng latigo ni jockey Telles ang Te­lenovela para abutan ang In Demand sa huling 20-metro ng karera at ma­kapagtala ng isang dipang pa­nalo sa meta.

Kumabig ng P38.50 ang mga nanalig sa lakas ng limang taong filly na Telenovela, habang ang 3-1 ay nagbigay ng P624.00 sa forecast.