Barako hindi pa magpapalit ng import

MANILA, Philippines - Bagama’t hindi siya ki­nakitaan ng malaking pro­duksyon sa kanilang mga tune-up games, sinabi ni Barako Bull Serbian coach Rajko Toroman na hindi nila iniisip na palitan si import Evan Brock para sa darating na 2013 PBA Commissioner’s Cup.

Sa kanilang ikaapat na tune-up game, umiskor ang Energy Cola ng 107-84 panalo kontra sa Me­ralco Bolts na nagparada kay reinforcement Eric Daw­son sa Meralco gym.

Umiskor ang 6-foot-9 na si Brock ng 15 points pa­ra sa 1-3 record ng Ba­rako Bull.

Si Brock ay isa sa da­lawang imports na tumulong sa Indonesia Warriors na pagharian ang 2012 ABL season laban sa San Miguel Beermen.

Tumipa si Brock ng 27 points sa 86-89 kabiguan ng Energy Cola sa Air21 Ex­press kamakailan.

“Evan Brock is wor­king hard, especially de­fen­sively while providing re­bounds for our team. We do have a lot of wea­pons, so we’re not thin­king of changing him,” sabi ni Toroman sa Spin.ph. matapos ang kanilang pa­nalo sa Bolts ni Ryan Gregorio.

Sinabi pa ni Toroman na kasalukuyan pa ring ginagamay ng Barako Bull, kasama si Brock, ang kanyang sistema.

“To me, the important thing is Evan understands our system, so his offense will come from there,” dag­dag pa ni Toroman.

Bago kunin ng Photo­ki­na franchise ay tumayo mu­nang team consultant si Toroman sa Petron.

Ilan sa mga nakuha ng Energy Cola sa trade ay sina Jonas Villanueva, Allein Maliksi, Jojo Duncil at JC Intal.

Sila ay nasangkot sa isang 10-player, five-team trade.

Magsisimula ang PBA Commissioner’s Cup sa Pebrero 8.