Football ang sentro ng PSA Forum
MANILA, Philippines - Magbabalik ang lingguhang PSA Forum ngayon sa Shakey’s Malate kung saan magiging sentro ng usapan ang Philippine Azkals at ang football.
Darating sina Azkals team manager Dan Palami kasama sina stalwarts Chieffy Caligdong, Marwin at Marvin Angeles at ilan pang miyembro ng nagsasanay na koponan para sa Southeast Asian Games sa Myanmar bukod pa kina Philippine Football Fede-ration secretary-general Ed Gastanes, sa public sports program na maririnig ng live sa DZSR Sports Radio 918 at hatid ng Philippine Amusements and Gaming Corporation at Shakey’s.
Tatalakayin ni Palami ang kampanya ng Azkals sa AFC Challenge Cup qualifiers na gaganapin dito sa bansa sa March, habang ibabahagi naman ni Gastanes ang plano at programa ng football association para sa 2013, kabilang ang kanilang kampanya sa SEA Games ngayong December.
- Latest
