Garcia bagong coach ng Erase Xfoliant sa D-League

MANILA, Philippines - Hinirang si Caloy Gar­­cia, ang kasalukuyang as­sistant coach sa Rain or Shine sa PBA, bilang ba­gong head coach ng Erase Xfoliant sa PBA D-League.

Binigyan ng appointment ni team owner Louie Gamboa si Garcia ma­tapos magsabi si coach Aric del Rosario na mag­po-focus muna siya sa training ng Perpetual Help College Altas para sa 89th season ng NCAA.

Naigiya ni Del Rosa­rio, inakay ang UST Tigers sa ‘three-peat’ sa UA­AP, ang Altas sa Final Four ng 88th NCAA.

“Masaya ako sa tiwa­la  na ibinigay sa akin ni Boss Louie. Kahit na da­lawang laro na lang ang na­titira para sa Erase, I hope I can lead this team to a decent finish in this league,” wika ni Garcia.

“Nag-practice na ako kahapon, at okay naman ang adjustment ng mga pla­yers,” sabi pa ni Garcia sa koponan ng Erase.

Ikinatuwa naman ni Gam­boa ang pagtanggap ni Garcia sa kanilang alok bi­lang mentor ng Erase.

“We’re happy to welcome Coach Caloy Garcia to our family. We have two games left, against JRU and Blackwater, and all I’m after is for me to see the boys figh­ting and doing their best,” ani Gamboa kay Garcia, da­­ting mentor ng St. Benilde. “I’d be glad if we can salvage and win our last two games. I know na we’re out of the running.”