Football stadium ‘di muna ipapaayos ng PSC

MANILA, Philippines - Ipagpapaliban ng Phi­lip­pine Sports Commission (PSC) ang pagpapa­ayos sa maalamat na Rizal Me­morial Football Stadium para bigyang-daan ang pagdaraos ng Asian Foot­ball Confederation (AFC) Challenge Cup qua­lifiers sa Marso 22-26.

Balak ng PSC, namamahala sa Rizal Memorial Sports Complex sa Vito Cruz, Manila, na palitan ng artificial field ang natural grass sa stadium.

Ang gagastusin ng sports agency sa naturang pro­yekto ay P25 milyon.

“In the spirit of natio­nal interest, we’ll reserve the venue for the AFC Challenge Cup qualifiers and defer construction (un­til after the hosting),” sa­bi ng isang PSC official.

Hiniling na ng Philippine Football Federation (PFF) sa PSC ang pagga­mit sa Rizal para sa qualifiers.

Makakalaban ng Phi­lip­pine Azkals sa nasabing tor­neo ang Turkmenis­tan, Bru­nei at Cambodia sa Group E.

Ang mananalo sa gru­po ang aabante sa final round sa 2014.

Nabasura ang kasunduan ng PFF at ang PSC na gawin ang stadium bilang isang all-weather stadium.