Kobe naiboto sa kanyang pang 15 All-Star game

NEW YORK  -- Ibino­to si Kobe Bryant sa kanyang NBA record na pang 15 sunod na All-Star start kasama ang apat pang Los Angeles players sa dara­ting na All-Star Game.

Makakasama ni Bryant sa Western Confe­rence line-up si Lakers team­mate Dwight Ho­ward at sina Chris Paul at Blake Griffin ng Los An­ge­les Clippers.

Nakatakda ang 2013 All-Star sa Pebrero 17 sa Houston.

Nasa Western Confe­rence team din si Oklahoma City superstar Kevin Du­rant, ang hinirang na MVP sa 2012 All-Star.

Inungusan naman ni Ke­vin Garnett ng Boston Celtics si Chris Bosh ng Miami Heat sa fan ballo­ting.

Bukod kay Garnett, na­sa Eastern Conference line-up din ang kanyang ka­kamping si Rajon Ron­do,  sina LeBron James at Dw­yane Wade ng Miami Heat at si New York Knicks star Carmelo An­tho­ny.

Tumapos si Bryant na may 1,591,437 votes at ti­nalo si James ng 7,800 pa­ra burahin ang naunang mga NBA All-Star record nina Shaquille O’Neal, Jerry West at Karl Malone sa paramihan ng All-Star starts.

Ang leading scorer ng NBA ay isang four-time MVP ng All-Star game at naging career scoring lea­der.

Tinalo naman ni Garnett si Bosh, ginamit ang Twitter sa huling mga araw ng botohan, sa pa­mamagitan ng halos 25,000 votes.

Nakatabla niya sina Bryant at O’Neal para sa ika­lawang all-time mula sa kanyang pang-15 pagkakapili sa likod ni Kareem Abdul-Jabbar, napili ng 19 beses.

Ito ang ikalawang sunod na pagkakataon na may apat na players ang mga Los Angeles teams sa All-Star.

Noong nakaraang taon ay naiboto sina Bryant, Paul, Griffin at Andrew By­num, dinala sa Phila­del­phia bilang bahagi ng trade kung saan nailipat si Howard mula sa Orlando patungong Los Angeles.

Ang mga reserves ay ihahayag sa Hu­we­bes.