Royce White sinuspindi ng Rockets

HOUSTON – Sinuspindi ng Houston Rockets nitong Linggo si first-round pick Royce White dahil sa hindi nito ibinibigay ang serbisyong naaayon sa kanyang kontrata.

Sinabi ni general manager Daryl Morey nitong Linggo na patuloy na makikipagtrabaho ang koponan kay White para magkaroon ng solusyon ang problema.

Hindi babayaran si White habang suspindido ito.

Tinanggihan ni White ang paglalagay sa kanya sa D-League affiliate team ng Houston noong nakaraang linggo.

Halos laging nasa in-active list ang 16th overall pick noong June draft habang naghahanap ng solus-yon ang team kung papaano mareresolbahan  ang kanyang anxiety disorder at overall mental health.

Panay ang post sa Twitter ni White ukol sa isyung ito sapul nang ilipat ito sa D-League.

“What’s suspending me suppose to do. I’ve been away from the team for a month 1/2. Guess we want to give it a title to shift accountability,’’ sa unang tweet ni White.

Sinundan niya ito ng, “Threat, Fines, Suspension won’t deter me. I won’t accept illogical health decisions, I will keep asking for safety & health. (hash)BeWell (at)dmorey.”