Stoudemire posibleng bumalik sa Jan. 1
MANILA, Philippines - Posibleng makabalik na sa court si forward Amar’e Stoudemire para sa New York Knicks sa New Year’s Day.
Ito ang indikasyon mula kay Stoudemire na nagsabing nakikita niyang makakalaro na siya sa Jan. 1 kontra sa Portland sa Madison Square Garden. Sinabi niya ang posibilidad na ito nang tanungin kung kailan ang kanyang season debut, ayon sa Newsday. Ang veteran forward ay nagrerekober mula sa injury sa tuhod.
Hindi naman bumiyahe si Sacramento center DeMarcus Cousins, kare-reinstate lamang mula sa suspension nitong Lunes, kasama ang team nitong Miyerkules para sa laro ng Kings kontra sa Trail Blazers, ayon sa isang ulat sa Sacramento Bee.
Iniulat din ng Bee na hindi rin sumama sa biyahe si Kings guard Tyreke Evans dahil sa namamagang kaliwang tuhod.
Sa pagkatalo ng Kings sa Los Angeles Clippers noong Biyernes, nagkasagutan sina Cousins at Smart sa halftime. Hindi na lumaro si Cousins sa second half at inihayag ng team nang sumunod na araw na siya ay indefinitely suspended.
- Latest
