Winalis ng kanyang partido ang lahat ng posisyon Cojuangco nakuha ang ikatlong termino sa POC

MANILA, Philippines - Taglay pa rin ni Jose ‘Peping’ Cojuangco, Jr. ang tiwala ng mga kasapi sa Philippine Olympic Com­mittee (POC).

Ito ang naging mali­naw na mensahe sa idi­naos na POC election ka­hapon sa Alabang Country Club nang walisin ng tiket ni Cojuangco ang lahat ng puwestong pi­naglabanan sa halalan na dinaluhan ng 43 vo­ting members.

Nauna rito ay naipaki­ta ni Cojuangco na siya pa rin ang majority president matapos makakuha ng 32 boto.

Walang kalaban ang equestrian president sa pu­westo pero binilang pa rin ang nakuhang boto upang pagtibayin ang ikat­long sunod na termino sa POC.

Ang mga ka-tiket na si­na Tom Carrasco, Jr. ng triathlon, Joey Romasanta ng karatedo, Jeff Tamayo ng soft tennis, Julian Camacho ng wushu, Prospero Pichay ng chess at mga board members na si­na Dave Carter ng judo, Ernesto Echauz ng sailing Jonnie Go ng canoe-ka­yak at Cynthia Carrion ng gymnastics ay mauupo rin sa POC hanggang sa 2016.

Ang matinding laba­nan ay nangyari sa puwesto ng POC chair­man at nanalo si Car­rasco kontra sa dating nakaupong si Monico Puentevella ng weightlif­ting sa pamama­gitan la­mang ng tatlong boto, 21-18.

Ang iba ay malayong na­nalo tulad ni Roma­santa sa dating nakaupo na si Manny Lopez sa 1st VP, 24-16; Tamayo laban kay Bambol Tolentino ng cy­cling sa 2nd VP, 24-16; Camacho laban kay Romy Ribano ng squash, 28-12; sa treasurer; at Pi­chay laban kay Godofredo Galindez Jr. ng golf, 28-12, sa auditor.