Hiyasmin (108)

Ngumiti lang si Hiyasmin sa lalaki. Umalis na ang lalaki.

“Sino yun?’’ tanong ni Dax.

“Classmate ko.’’

“May crush siguro sa’yo yun?’’

“Bakit mo nasabi, Sir Dax?”

“Ang saya ng mukha nang makita ka.’’

Napangiti si Hiyasmin.

“Sabagay marami talaga ang magkaka-crush sa’yo dahil napakaganda mo.’’

Ngumiti lang uli si Hiyasmin.

“Tapusin mo na yang kinakain mo at uuwi na tayo.”

Inubos ni Hiyasmin ang pagkain sa plato. Inubos ang juice sa baso.

“Okey ka na, Hiyasmin?’’

“Opo.’’

Sinenyasan ni Dax ang babaing crew. Bill out na.

Maya-maya dala ng crew ang bill. Binayaran ni Dax. Pagkatapos ay umalis na sila.

Nagtaksi na sila pauwi.

“Bukas, gagabihin ka uli?’’

“Hindi po.’’

“Akala ko gagabihin ka—susunduin sana uli kita.’’

“Baka sa susunod na araw po.”

“Sabihin mo sa akin para paglabas ko ng opis dun ako didiretso.’’

“Masyado kang mapapagod Sir Dax.’’

“Hindi.’’

“Sa halip na nagpapahinga ka na e susunduin mo pa ako.’’

“Okey lang yun. Mabuti nang may kasama ka sa gabi. Nag-aalala rin naman ako kapag ginagabi ka.’’

Napatitig si Hiyasmin kay Dax.

(Itutuloy)