Eksaktong alas nuwebe ng gabi, dumating si Hiyasmin. Dali-daling binuksan ni Dax ang pinto.
“Sorry ginabi na naman ako Sir Dax. Hindi rin ako nakapag-text na gagabihin.’’
“May nangyari?’’
“Opo. Good news!” sabi nitong nakangiti.
“Anong good news?”
“Magna cum laude ako Sir Dax.’’
“Wow!”
“Ipinatawag ang candidates sa Deans’ Office. Yun ang dahilan kaya ako na-late pag-uwi.”
“E di hindi ka pa kumakain?’’
“May free meryenda sa Dean’s Office Sir kaya busog pa ako.”
“Kaya pala abot hanggang taynga ang ngiti mo kanina—magna ka pala, ha-ha-ha!’’
“Hindi ko inaasahan Sir —akala ko, cum laude ako.’’
“Matalino ka nga kasi—’di ba sabi ko nga sa’yo, malaki ang kinabukasan mo.’’
“Salamat Sir sa pagtitiwala mo.’’
“Akala ko kaya ka naatrasado ng uwi e dahil pinuntahan mo ang mama mo at sinumbong ang stepfather mo.’’
“Hindi Sir Dax. Sinunod ko ang payo mo. Naniniwala ako sa iyo. Isa pa, ayaw ko nang makialam kung maaari sa buhay ni Mama.’’
(Itutuloy)