Hiyasmin (90)
“ANO bang pinakain mo sa nanay ko, Hiyasmin?’’ sabing nakangiti ni Dax.
“Binakol po siguro, ha-ha-ha!’’
“Sabi sa akin, kawawa ka raw naman kaya bigyan kita ng allowance. Tutal naman daw at ikaw ang nagluluto at naglilinis ng bahay.’’
“Ang bait talaga ni Nanay, Sir Dax.’’
“Nagayuma mo yata ang matandang istrikta?’’
“Sinabi po ba ni Nanay sa iyo na pinasalubungan niya ako?”
“Wala siyang sinabi. Anong pasalubong?’’
“Espasol po at saka kumot.’’
“Talaga?’’
“Siya raw po ang gumawa ng espasol—espesyal daw para sa akin. Masarap!’’
“Talagang vibes na vibes kayong dalawa. Mahal na mahal ka ng nanay ko.’’
“Oo nga Sir Dax. Nang papaalis na nga sila ay napansin ko na maiiyak. Parang ayaw pang umalis.’’
“Kaya nga ang sabi ko punta uli sila rito next week. Susunduin ko sila.”
“Samahan kita Sir Dax. Sabado natin puntahan.’’
“Aba sige, para makarating ka sa Fairview.’’
Itutuloy
- Latest
