Dioscora (115)
“ANONG sinisilip mo JC? Ang haba ng leeg mo sa pagsilip, he-he-he!” tanong ni Angel.
“’Yung dumaang kotse parang kilala ko.’’
“Di ba nung minsan na nakatayo sa may stop light may nakita ka ring kotse na sabi mo’y kilala mo.’’
“A oo,’’ sagot ni JC na nag-aatubili. Naalala pa pala ‘yun ni Angel.
“’Yung kotse rin bang ‘yun ang nakita mo ngayon?’’
“Ah hindi,” pagsisinungaling ni JC. Ayaw na niyang humaba pa ang pagtatanong ni Angel. Iniba na lang niya ang usapan.
“O akala ko meron ka pang isi-share sa akin. Sabi mo kanina may ikukuwento ka pa.’’
“Aba Marites ka na rin ha?’’
Nagtawa si JC.
“Nahahawa na ako sa’yo, ha-ha-ha!’’
“Tungkol nga kay prof na masungit. Shock ako nang malaman na ‘closet queen’ pala. Wala sa itsura niya ano? Ang laki ng katawan. Maskulado. ‘Yun pala ay miyembro ng federasyon.’’
“May family siya?’’
“Hindi ko lang alam.’’
“Puwedeng alamin mo?’’
“Bakit?’’
“Para kumpleto ang sini-share mo.’’
“Ay sira!’’
“Kasi gusto ko kumpleto ang info. Ayaw ko ng installment.’’
“Hayaan mo at sa muli nating pagkikita, kukumpletuhin ko ang info, ha-ha-ha!’’
“Pangako ‘yan ha?’’
“Oo!’’
Natapos ang kanilang pagkain. Binayaran ni JC ang bill. Lumabas na sila sa restawran.
“Salamat sa blowout, JC. Sana maulit, ha-ha-ha. Masarap ang libre.’’
“No problem. Blowout uli kita.’’
“Sa paglabas ng board exam tiyak na top ka at magbo-blowout ka uli.’’
“Salamat at sana magkatotoo ang sinabi mo Angel.’’
“Magkakatotoo ‘yan!’’
“Salamat uli, Angel.’’
“Bye, JC!”
(Itutuloy)
- Latest
