Halimuyak ni Aya (104)

“AYA!” Sabi ni Tatay Ado nang makita ang nakatayong si Aya sa may gate.

“Lolo!”

Mabilis na lumabas si Tatay Ado at binuksan ang gate.

“Halika! Nasaan ang mama mo?”

“Wala po. Ako lang po.”

Humalik ng kamay si Aya sa matanda.

“Bakit hindi ka man lang nagpasabi na dara-ting ka para nasundo ka namin sa terminal?”

“Kaya ko naman po Lolo. Madali lang pala ang pagpunta rito. Si Sam po, nasaan?”

Inaasahan na ni Tatay Ado na itatanong ni Aya si Sam. At pinaghandaan   na niya ang isasagot.

“Nasa salas. May class­mate na nagpapaturo sa Science subject. May exam yata bukas.’’

“Ah may bisita pala siya.’’

“Aalis din agad iyon.’’

“Kaklase pong lalaki?”

“Babae.”

“Ah.’’

“Halika, Aya.”

Pumasok sila sa loob. Nakita nila na magkatabi si Sam at Julia habang nagbabasa sa libro. Tinawag ni Tatay Ado si Sam.

“Sam, andito si Aya!”

Nagtaas ng ulo si Sam.

“Aya!” sabi at biglang tumayo at sinalubong si Aya. Beso-beso.

“Bakit hindi ka man    lang nagsabi. Di ba sabi ko sa’yo, mag-message ka?”

“Okey naman ako. Madali lang naman papunta rito.’’

“Si Mama Brenda?”

“Hindi puwedeng umalis. As usual.’’

“Mabuti pinayagan ka?”

“Pinilit ko. Ayaw nga e pero sa kapipilit ko, bumigay din.’’

Saka lamang naalala ni Sam na ipakilala si Aya kay Julia.

“Aya si Julia. Classmate ko.’’

“Hi Julia.’’

Nag-“hi” rin si Julia.

“Maupo ka, Aya.’’

Naupo sa sopa si Aya. Malayo sa kinaroroonan ni Julia.

“Hindi ka ba nahira-pan, Aya?” tanong ni Sam. Na­katingin lang si Julia. Hawak ang libro.

“Hindi naman.’’

“Anong oras ka umalis sa Maynila?”

“Mga seven.’’

“Aba mabilis ka rin. Nine lang o.”

“Wala kasing trapik.’’

Maya-maya, tumayo si Julia. Hawak ang libro at notebook.

“Aalis na ako, Sam. Sige Aya…”

(Itutuloy)