Joyce Bernal,Takilya Direk

Kung tawagin si direk Joyce Bernal ng kanyang mga kasamahan sa trabaho, maging ng kanyang mga fellow directors, ay ‘Takilya direk.’ Papaano nga, sa 10 nai-direk nyang pelikula, walo dito ang talagang kumita ng malaki sa takilya. To name a few, sabi nga, andiyan ang Pangako Ikaw Lang, which both earned for Aga Muchlach and Regine Velasquez thier first Box Office King and Queen Crowns. Adiyan din ang Booba, na siyang dahilan kung bakit kinikilalang pinaka-effective na sexy comedianne si Rufa Mae Quinto. At Ang Kailangan Ko’y Ikaw, na nagtampok kina Robin Padilla at Regine Velasquez.

Katatapos idirek ni direk Joyce ang Masikip Sa Dibdib, starring Rufa Mae in the lead role. Bale si Rufa Mae na rin ang nag-produce ng pelikula with Viva Films.

"Supposedly, breadwinner si Rufa Mae sa Masikip Sa Dibdib ng isang pamilyang pulos problema ang ibinibigay sa kanya," ani direk Joyce. "To top it all, parang bale-wala sa pamilya ni Rufa Mae ang kanyang paghihirap, mabigyan lang sila ng magandang buhay.

"To elicit laughter, especially sa kanyang mga eksena with her family, in-exaggerate namin ang kanyang problema. Kaya naging katawa-tawa ang mga ito," sabi ni direk Joyce.

Playing Rufa Mae’s parents are Gina Pareño and Bernard Bonnin. Her equally problematic na kapatid ay ginampanan naman nina John Lapuz at Sunshine Dizon. Malaking problema rin ni Rufa Mae ang kanyang Lolo na ang gumanap ay si Swarding.

Mahalaga rin ang papel ni Rudy Hatfield, boyfriend ni Rufa Mae sa tunay na buhay at gumanap na kontrabida sa Masikip Sa Dibdib. Ang leading man ni Rufa ay ginampanan ni Antonio Aquitana.