Dumating at nawala na sina Angel Locsin at Paolo Araneta, pero sina Oyo at Anne, nagmamahalan pa rin!

Marami ang nanini­wala na muling magka­kabalikan ang dating magdyowang Oyo Sot­to at Anne Curtis dahil magkasama silang lagi ngayon. Bukod sa pa­reho na silang Ka­pamilya ay pinagsama pa rin sila sa isang ba­gong Sineserye, ang May Minamahal na tinampukan nung 90’s nina Aga Muhlach at Aiko Melendez.

Nagwakas ang mov­ie sa pagpapakasal ng dalawang major cha­rac­ter at ang serye ay mag­sisimula naman sa kani­lang buhay may-asawa.

First time ito nina Oyo at Anne na mag­sama sa isang serye. At dahil parehong libre dahil sinabi ni Anne na wala silang relasyon ni Sam Milby, na hindi sila mag-on, at si Oyo na­man ay kabi-break lang kay Angel Locsin kung kaya lahat ay pinag­papareha sila at ipinag­tutulakan sa isa’t isa.

“Kahit na nung mag-on kami ay pareho ka­ming bata, at si Oyo ay pa­laging naninira ng telepono at pinagsa­sarhan ko ng gate, doors will never be closed for him,” ani Anne.

Inamin din ni Oyo na meron pa rin silang kilig na nadarama at nandun pa rin ang chemistry nila. “Kilala na namin ang isa’t isa, wala na kaming nararam­ da­mang  pagka­ilang sa isa’t isa,” pagma­malaki niya..

Magsisimula ang May Minamahal sa June 4, 6NG sa ABS CBN.

Sa June ‘12, Araw ng Kalayaan, isang pe­likula ang magsisi­mulang mapapanood na pinagtulung-tulu­ngang mabuo ng tat­long mga kilala at block­buster pro­ducer na sina Butch Jimenez, Tony Tuviera at Tony Gloria para ma­katu­long na mabig­yan ng mati­tirahan ang ma­­ra­ming mara­li­tang Pi­ li­pino sa pamamagitan ng Ga­wad Kalinga.

Pinamaga­tang Pa­raiso,  isang tri­logy ito  na nag­ka­ro’n ng ma­ra­­ming suc­cess­ful pre­mieres sa US, Europe, Aus­tralia at Singa­pore at nakali­kom ng pon­dong P200M na maga­gamit ng Gawad Kali­nga para makagawa ng mara­ming komunidad o villages dito sa atin,

Inaasahan ng tatlo na ang mga pagpa­palabas na gagawin dito ng Paraiso ay ma­kakagenerate din ng funds para makagawa ng mga maraming ko­mudad/bahay.

Isang nakakata­wang episode ang pinrodyus ni Butch Jimenez, tungkol sa isang delingkwenteng kabataan, si Elvis, na inampon ng mga lider ng GK, itinuring na pa­rang isang anak at nga­yon ay maituruing nang icon sa telecom industry.

Ang istorya naman ni Tony Tuviera, pangu­lo ng TAPE at producer ng maraming pala­bas ng GMA7 kasama na ang Eat Bulaga ay tung­kol sa isang ina na nalibing ng buhay sa isang landslide kasama ang kanyang dala­wang anak.

Isang Pinoy OFW naman ang bida sa isa sa tatlong istorya na prodyus ni Tony Gloria, ang producer ng mga pelikulang Crying Ladies at  La Visa Loca. Tungkol ito sa Ameri­kanong asawa ng Pinoy na namatay sa trahedya ng  World Trade Center. The husband fulfills the wife’s dream by build­ing and dedicating a GK village in her name.

   Pawang mga true stories ang napiling isama sa trilogy na natapos sa pamamagitan ng hiraman ng mga equip­ment, pag­kuha sa serbisyo ng mga artista na hindi su­mingil ng mahal, pagbo-volunteer ng maraning pro­duction people tulad ng editor na si Mike Idio­ma na libre ang serbisyo.

Hindi lamang mga matitirahan ang mata­tang­gap ang mga maswerteng Pilipino, tutulungan din silang mamintina spiritually, emotionally at maging financially. Tuturuan sila ng mga livelihood programs sa loob ng mga villages.

Ang Philippine premiere ng Paraiso ay magaganap sa June 12 sa  Mall of Asia na da­da­lu­han ng pangulo ng bansa.

* * *

Nasa US pa rin si Melanie Marquez at nagbabakasyon kasama ang kanyang pamilya pero pagbalik niya ay sabak na naman siya sa kanyang trabaho bilang endorser ng New Placenta na habang wala siya ay abala sa pagsali at pagsuporta sa mga activities na may kinalaman sa beauty. 

Tulad ng Miss Bay City Mall 2007 na  magtatapos sa isang grand coronation sa araw na it. Sponsor ang Psalmstre dito at sa semifinals nito ay sila rin ang nagprovide ng entertainment sa pamamagitan ni Ms. Lyn Reyes. Namahagi rin ito ng mga soap samples ng New Placenta at Olive-C.

* * *

[email protected]