Ang makamaoy nga awit ni Nico Crisostomo

CEBU, Philippines — Gipaambit sa "Idol Philippines" season 2 contestant nga si Nico Crisostomo ang kapait sa napakyas nga gugma sa iyang debut single nga "Dahan-Dahan."

“It’s about moving on. Ito ang pinakamahirap na stage sa isang relationship when you are breaking up. Gustuhin man natin makapag-move on nang biglaan, hindi ito possible, lalo na pag minahal mo nang buo yung isang tao,” niya pa.

Kauban ni Nico si Roly Halagao isip composer sa kanta, samtang giprodyus kini nila ni Dan Simon ug ABS-CBN Music operations ug creative head nga si Jonathan Manalo. Dili malimod sa bag-ong DNA Music artist ang iyang kalipay sa paglusad sa iyang kanta.

"Sobrang saya s’yempre and at the same time unreal. Feeling ko slowly but surely magbubunga din lahat ng pinaghirapan ko and mas lalo ako na-motivate na mag-compose pa ng maraming songs," dugang pa sa singer.

Nasaksihan sa kadaghanan ang nagpahipi nga talento sa Caviteño singer-songwriter sa panahon sa pandemya diin iyang gi-cover ang nagkalain-laing mga kanta alang sa iyang livestream. Niadtong 2022, nisalmot si Nico sa audition sa "Idol PH." Pipila sa iyang mga impluwensya sa musika mao sila Justin Bieber, Bruno Mars, ug Ed Sheeran.

Isip bag-o sa industriya, gipaambit ni Nico nga determinado siyang makab-ot ang iyang mga pangandoy.

"Hardworking and driven para maabot mga pangarap and even if I have to move a mountain just to reach that dream gagawin ko, lalo na sa larangan ng pag-awit.," saysay pa niya.

Ang debut single ni Nico nga "Dahan-Dahan" kay madungog sa nagkalain-laing streaming platforms.