Digiplus at Bingoplus, nanawagan sa responsableng paglalaro

Opisyal nang inilunsad ng DigiPlus Interactive at ng kanilang social development arm, ang BingoPlus Foundation, ang Pusta de Peligro Responsible Gaming campaign sa pamamagitan ng premiere ng tatlong nakakaantig na short films. Ginanap ito sa Gateway Cinema, kung saan binigyang-diin ang responsableng paglalaro, na nagsusulong ng pag-iwas, edukasyon, at interbensyon ng DigiPlus upang matiyak na ang paglalaro ay mananatiling ligtas at kasiya-siyang anyo ng libangan.

Sa puso ng kampanya ay ang tatlong short films na nagpapakita ng mga kwento na magpapaisip at maghihikayat ng masusing desisyon sa paglalaro.

Sa pamamagitan ng mga nakaka-relate na sitwasyong ito, hinahamon ng Pusta de Peligro ang mga manonood na alamin ang mga pagkakataon kung kailan nagi­ging mapanganib ang paglalaro at hinihikayat silang yakapin ang mensahe ng kampanya: “Pag Pusta de Peligro na, pause na muna, dahil ang gaming dapat fun-fun lang!”

Nagpapakita ng isang taong dedikasyon at kolaborasyon, malaki ang pinuhunan nila sa paggawa ng isang adbokasiya na hindi lang sa salita – nakikipagtulungan sa mental health professionals, financial coaches, at mga guro upang lumikha ng kampanyang tumatalakay sa mga realidad ng mga Pilipinong manlalaro.

Isa sa mga highlight ng premiere ay ang isang nakakapukaw na diskusyon kung saan tampok sina Teresita Castillo ng International Gambling Counselors Certification Board at financial coach Armand Bengco. Tinalakay ng panel ang kaha­lagahan ng edukasyon at kolaborasyon ng mga eksperto sa pagpapalaganap ng isang ligtas at responsableng kultura ng paglalaro.

Bukod sa digital advocacy, ang on-ground initiatives tulad ng community workshops at live events ay nagpapalawak sa abot ng kampanya, tinitiyak na mas maraming manlalaro ang magkakaroon ng kapangyarihan upang gumawa ng balanse at masusing mga desisyon.