CEBU, Philippines — Nakadawat og nagkalain-lain nga reaksyon ang beauty queen nga si Cyrille Payumo human niya gisul-ob ang Miss Universe farewell gown ni Catriona Gray sa gipahigayon nga Miss Universe Philippines – Pampanga sa niaging gabii .
Si Cyrille kay reigning Miss Charm Philippines ug nangayo siya og pasaylo sa mga tawo nga wala mahimout sa pagsul-ob niya sa maong gown.
Sa wala pa siya mopasa sa iyang korona sa MUPH – Pampanga, giingnan siya nga si Mark Tuman ang mo-sponsor sa iyang final walk gown.
Gipili ni Cyrille ang gown ni Catriona nga gigamit sa farewell walk niini isip Miss Universe 2018.
"A wave of emotions flooded over me—excitement, nerves, and a profound sense of honor. My heart swelled with awe and I felt an overwhelming sense of privilege,” matud pa ni Cyrille.
Aminado ang beauty sa nagkalain-laing reaksyon sa mga tawo busa nangayo siya og pasaylo.
"I recognize that my actions may have unintentionally diminished the significance of Catriona Gray’s monumental achievements, and for that, I am deeply sorry. I take full responsibility for any misunderstandings or hurt feelings that may have resulted," niya pa.
Suma pa ni Cyrille nga ang tumong ra gyud unta niya mao ang paghatag og rekognasyon sa gimugna nga gown ni Mark.
"I am truly grateful for the opportunity to learn and grow from it, and I appreciate your understanding during this time," niya pa.
Proud girlfriend
Hingpit na nga gipublikar sa singer nga si Geneva Cruz ngadto sa iyang fans ang dugang impormasyon kalabot sa iyang boyfriend nga si Dean Roxas.
Matud pa niya nga usa kini ka miyembro sa Philippine Brazilian Jujitsu national team ug coach sa Lucas Lepri Philippines .
Suma pa sa singer nga proud kaayo siya sa mga nakab-ot nga kalamposan sa iyang uyab.
“Dean @deanroxasbjj has once again displayed his exceptional skills by becoming the national representative in his weight class since 2018 when he won his first national trials. In 2022, I was able to watch his first competition after the pandemic, where he won gold for that edition,” social media post sa singer.
Kahinumdoman nga niangkon si Geneva sa niaging buwan nga dunay nakabihag sa iyang kasingkasing ug igo lang siya nihatag og inisyal nga background sa iyang boyfriend niadtong tungora.
Arra ug Juami nagbalik
Sa interview ni Arra San Agustin sa programang "Lutong Bahay", giangkong niya nga nagbalik sila sa basketball player nga si Juami Tiongson. Kahinumdoman nga nagkabulag sila niadtong 2022 apan nipatigbabaw gihapon ang gugma nila sa usag-usa hinungdan nga nahulma og balik ang ilang relasyon, “He’s very loyal, he’s so patient. Siya lang po ‘yung tao na nakakita na siguro ng totoong colors ko,” matud pa ni Arra.
Nangandam na sa kasal
Gibutyag ni Jerald Napoles nga todo pangandam na sila ni Kim Molina sa ilang umaabot nga kasal . Anam-anam na pud nila nga gihan-ay ang listahan sa ilang mga bisita. Dili matud pa malimtan niini ang ilang mga soud nga higala nga sama nila ni Alden Richards, Dennis Trillo, ug Piolo Pascual.
Walo ka tuig
Gilusad na dili pa lang dugay sa komedyanteng aktres nga si Eugene Domingo ang iyang YouTube channel . Ang iyang unang episode kay nag-ulohan og "Most Searched and Most Requested" kun diin gitubag niya ang mga pangutana kalabot sa iyang kinabuhi. Gibutyag ni Eugene nga duha ka state universities ang iyang naagian ug niabot siya og walo ka tuig sa pagtapos niya sa kolehiyo."Kung meron akong desisyon sa buhay na never kong pinagsisihan is 'yung tinapos ko 'yung education ko.I finished Bachelor of Arts in Theater Arts sa University of the Philippines Diliman. Yes, nag-overstay ako. Ang sarap sa university eh. I also spent one year in the Polytechnic University of the Philippines," matud pa ni Eugene.
Bad boy nga karakter, target ni Seth
Napul-an na si Seth Fedelin sa boutan nga role ug tingoha niya nga masuwayan ang bad boy nga karakter sa usa ka proyekto .
Gipangandoy sa aktor nga mahimong kabahin sa action movie .
Nasayod si Seth nga dili basta-basta ang usa ka action project ug andam siya makat-on niini
"Kokobom" ni imogen ilusad ugma
Dunay bag-ong awit nga idalit sa miyembro sa It's Showtime Kids nga si IMOGEN ug nag-ulohan kini og "KOKOBOM" nga ilusad ugma , Biyernes (Enero 31).
Kahinumdoman nga gigamit pud niya ang maong kanta sa iyang opening production number sa "It's Showtime" atol sa kasaulogan sa iyang 8th birthday .
Ang "KOKOBOM" single kay kabahin sa umaabot nga debut album sa maong Kapamilya star.
Gisulat kini nila ni Elinor Jernsand ug Nick Jarl ug ug giprodyus sa amahan ni IMOGEN nga si Rey Cantong sa banda nga Six Part Invention .
Gipaluyohan usab sa Star Music ang maong awit.
Si IMOGEN maoy naa sa luyo sa viral nga kanta nga "Mini Ms. Uh.” Ang iyang gi-release nga mga awit kaniadto kay naglangkob sa novelty tracks nga "Da Da Da" , "Ang Init Init" ug ang iyang remake sa OPM classic nga "Sana."
Madungog ang "KOKOBOM" ugma sa nagkalain-laing music streaming platforms.
Maymay gi-feature sa "A Book Of "
Dili masukod ang gibating kalipay sa aktres nga si Maymay Entrata human siya na-feature sa " A Book Of "Magazine didto sa Amerika .
“This has honestly been the most fun and fulfilling shoot I’ve had in such a long time! I’m incredibly grateful for the opportunity to be a part of this magazine. It’s truly an honor to work with a talented and creative production team po talaga,” matud pa.
Matud pa niya nga espesyal kaayo ang maong kasinatian.
“This is my very first magazine feature in the USA, so I will never forget how special this experience has been po. To everyone who made it possible, thank you so much!,” dugang pa niya. Nagpungasi nga gugma sa "Hopeless Romantics, Inc."
Dili malilong ang ka banggiitan sa mga Sugbuanon sa natad sa pag-arte sa entablado .
Usa sa tataw nga ebidensya niini mao ang musical play nga Hopeless Romantics, Inc. nga ubos sa direksyon ni Jude Gitamondoc.
Gihimo sa niaging gabii ang media preview sa maong dula sa entablado ug nakadawat kini og mga positibong feedback gikan sa audience .
Ang mga eksena niini kay nakadawat ug sipa nga pakpak gikan sa mga nanan-aw .
Dunay nangatawa ,gikilig ug nanghilak sa tanang hugyaw nga mga eksena niini.
Suma pa ni Gitamondoc nga ang Hopeless Romantics, Inc. kay nagtangag sa nagsagol tema sa gugma , kapakyasan ug ang kapasidad sa pagdiskubre sa kaugalingon.
Naghisgot kini sa tulo ka mga higala nga sila si Justin, Mark, ug Andi nga nagsagobang og nagkadaiyang hagit .
Dugang nagpahipi nga mensahe niini kay dili sa tanang higayon kay masuklian og tam-is nga gugma ang nagtangag nga pagbati ngadto sa usa ka tawo.
Matud pa nga dunay nagkalain-lain nga direksyon ang matag kapalaran sa tawo .
Ang maong musical play kay gibitoonan nila ni Kent Talisaysay ,Derek Bryan Salazar , Rienzi Jay Chan ,Van Duke Gacayan , Yesha Suralta ug Shim Dagatan .
Makita sa Facebook Page nga Hopeless Romantics, Inc. ang kinatibuk-ang detalye sa presyo sa mga ticket niini.
Aduna kini tulo ka adlaw nga pagpasundayag sa University of the Philippines Cebu Performing Arts Hall karong Pebrero 21 - 23 , 4 PM (matinee) ug 7:30 PM (gala) .