‘Pinoy Big Brother,’ bubuksan sa mga kapuso housemate

Kumpirmado, mapapanood na sa GMA 7 ang Pinoy Big Bro­ther. Yup, lipat bahay si Kuya.

Naglabas na sila ng official statement kagabi :

“Bilang pagdiriwang sa ika-20 taong ani­bersaryo ng “Pinoy Big Brother,” magsasama ang GMA Network at ABS-CBN para sa panibagong season nito na “PBB Celebrity Edition Collab,” paunang paliwanag ng ABS-CBN.

“Malugod naming binubuksan sa kauna-unahang pagkakataon ang Bahay ni Kuya sa GMA Sparkle artists kasama ang Star Magic talents ng ABS-CBN bilang mga bagong Housemate. Sama-sama nating saksihan ang masayang collaboration ng Kapuso at Kapamilya stars para maghatid ng mga hindi malilimutang kaganapan sa loob ng bahay,” ang kabuuan nito.

So si Kuya Kapuso na.