Drama series ng KathDen, wala nang pag-asang matuloy?

Malabo na nga bang magtambal ulit sina Kathryn Bernardo at Alden Richards matapos ng massive success ng pelikulang Hello, Love, Again ?

Ang usap-usapan, wala na raw communication ang dating sweet-sweetan na magka­tambal.

Na sabagay lately nga ay walang sighting na magkasama sila.

Ang huli raw ay nung nakiramay si Kathryn sa pagpanaw ng lolo ni Alden.

Katatapos lang nga raw pagluluksa ni Alden sa pagpanaw ng kanyang lolo two weeks ago kaya’t nawala ito sa social media.

“Drop everything. Walang makakapigil sa akin kahit sino when it comes to family. If something goes wrong or something happens kasi, of course, we live in a very deman­ding world of show business, but iba kasing usapan ‘pag pamilya na eh,” sabi niya sa interview ng GMA News.

Hmmm, wala na kayang pag-asang matuloy ang mina-manifest na drama series ng fans na pwedeng collab ng ABS-CBN ang GMA 7 matapos ang dalawang pelikula nila?

Isa nga si GMA Network Senior Vice President Annette Gozon-Valdes sa nagpu-push sa KathDen series pagkatapos ng Hello Love, Goodbye and Hello, Love, Again na ngayon ay highest grossing local movie of all time. “Pero hindi ko alam kung series dahil mas mahirap ang series, mas madali kung movie, so let’s see,” sabi ni Ma’am Annette nang makausap namin sa Konsyerto sa Palasyo Para sa Pelikulang Pilipino noong bago nag-Pasko.

At ang tanungin daw namin ay si Mr. Carlo Katigbak kung anong chance ng KathDen series na andun din sa Konsyerto Para sa Palasyo... tawa lang ang sagot ni Sir Carlo that time: “Kung anong sinabi ni Annette ‘yun ang totoo.”

Pero totoo rin bang malabo naman talagang matuloy ang susunod na tambalan ng KathDen dahil diumano’y ayaw na rin daw ng ibang ‘executive’ dahil ang hirap diumano

ng hatian sa kanilang kita.