Chie, pumalag sa pa-blind item ni Dawn Chang!
Umalma si Chie Filomeno sa pa-blind item ng dating katrabahong si Dawn Chang matapos nitong sagutin ang isang tanong sa isang interview na patungkol sa taong nakaaway niya raw.
Hindi binanggit ni Dawn ang pangalan ng nakaaway niya pero kinuwento nito ang nangyari at marami agad ang nakahula na si Chie iyon.
Common knowledge na may iringan ang dalawa mula nang magkasama sila sa grupong Girltrends, ang female dance group na napapanood noon sa It’s Showtime, kung saan bumitiw si Dawn.
Diretsahang nag-post si Chie na tinag si Dawn at sinabing naka-move on na ang lahat at tahimik na raw ang buhay niya pero ang katrabaho raw ay hindi na naka-move on.
Wala raw katotohanan ang kwento na iyon at hindi raw iyon nangyari at alam daw iyon ng buong prod ng noontime show.
Nalaman lang daw niya ang tungkol sa interview nito dahil sa mga staff ng Showtime at nagulat din daw ang mga ito.
Puro kasinungalingan daw ang bibig nito.
Say pa nito “2025 na, tumigil ka na kung hindi mo kaya mag name drop.”
Sey ng mga netizen ay maaari naman sanang tumanggi si Dawn na ikuwento pa ang nangyari noon pero mas pinili nga niyang ungkatin pa iyon na kinaimbyerna ni Chie.
Kaya naman hirit ng mga marites ay nag-away raw ang mga starlet at da who.
‘Kaloka.
Tumigil na sila noh. Hindi ko na sila masyadong maalala. Wala lang kasi talagang mainit na balita sa showbiz kaya lahat talaga pumapatol kahit kababawan lang ang chika.
- Latest
