Blackburn, napaamin sa hangover

Fresh vibe ang hatid ng Kapamilya artist na si Rob Blackburn sa kanyang bagong kanta na Romantic Hangover.

Tungkol ito sa pag-amin ng totoong nararamdaman sa minamahal habang nasa impluwensiya ng alak. Si Blackburn mismo ang sumulat ng kanta habang si StarPop label head Roque “Rox” Santos ang siyang nagprodyus nito.

Sinusundan ng Romantic Hangover ang ilan pang isinulat na kanta ni Blackburn na Tabi, Runaway, at Biyernes ng Gabi.

Nagsimula si Blackburn bilang housemate sa Pinoy Big Brother Kumunity Season 10 at hinirang bilang 4th Big Placer. Bukod sa pagkanta, sinubok na rin niya ang pag-arte sa pamamagitan ng Pie Channel shows na The Chosen One Presents: Kakatacute, The Chosen One Presents: Soap Opera, Pie Shorts Presents: Eat Pray Love, at iba pa.

Bahagi siya ngayon ng grupong Rockoustic Heartthrobs na napapanood sa ASAP kasama sina Anthony Meneses, Jarren Garcia, Kice, Kobie Brown, at Luke Alford.

Damayan si Blackburn sa kanyang Romantic Hangover single na napapakinggan na ngayon sa iba’t ibang music platforms.

Mga Kapuso star, makiki-join sa Dinagyang Festival!

Isang weekend na puno ng pagmamahal at kasiyahan ang dala ng GMA Regional TV and Synergy sa mga pinakabagong Kapuso show na Lolong, My Ilonggo Girl, at Prinsesa ng City Jail – sa Iloilo City upang makiisa sa pinakahinihintay na selebrasyon ng Dinagyang Festival 2025.

Kahapon (Jan. 24), ginawang extra memorable ng mga bida ng Prinsesa ng City Jail na sina Allen Ansay, Denise Laurel, at Will Ashley ang Dinagyang Festival sa taong ito sa pamamagitan ng Kapuso Mall Show na ginanap ng 4 p.m. sa SM City Iloilo.

Ngayong araw (Jan. 25), si Lolong mismo, ang Primetime Action Hero na si Ruru Madrid, ay magdiriwang ng masaya at makulay na festival kasama ang mga Kapusong Ilonggo sa Kapuso Mall Show na gaganapin ng 4 p.m. sa Robinsons Iloilo. Makakasama niya ang kanyang co-stars sa Lolong: Bayani ng Bayan na sina Shaira Diaz at Paul Salas.

Ipapatuloy naman ang Dinagyang spirit at masiglang energy sa parehong araw ng lead star ng My Ilonggo Girl, ang Star of the New Generation na si Jillian Ward, kasama ang kanyang co-stars na sina Michael Sager at Yasser Marta. Sa pagkakataong ito ay muli silang magbabalik sa Iloilo City upang pasalamatan ang kanilang Ilonggo supporters sa isang Kapuso Fiesta na gaganapin ng 6:30 p.m. sa Festive Walk Iloilo.

Gagawin ng GMA Regional TV at Synergy na extra special ang pinaka-inaabangang Dinagyang Festival 2025 sa Linggo, Jan. 26, sa pamamagitan ng Dinagyang Festival 2025: The GMA Regional TV Special Coverage na magsisimula ng 7:30 a.m. Mapapanood ito sa live streaming via www.gmaregionaltv.com at sa social media pages ng GMA Regional TV, GMA Regional TV News, at GMA Integrated News.