Aktor na may asawa, tumitikim ng ibang babae

Nagduda ang staff ng isang hotel sa malayong probinsiya nang makita sa loob ng kuwarto kung saan nag-check in ang isang guwaping na aktor na may foreign blood ang ilang gamit na pambabae.

Duda ang room boy ang hotel na may babaeng pumasok sa room ng aktor dahil wala itong kasama nang mag-check in.

Kilala ang aktor at alam nilang may asawang taga-showbiz. Pero wala silang nakitang kasama nito nang pumasok sa hotel.

Inisip tuloy ng staff, pumasok ang babae nang diretso sa room ng aktor na walang staff na nakakaalam, huh!

Kasi, kaduda-duda ‘yung ilang gamit na pambabae sa room niya na parang naiwan ng babae na hindi man lang naitabi ng aktor, huh!

Naku, suma-sideline rin pala sa ibang babae ang guwaping na aktor na galing pa naman sa isang buena familia, huh!

Shows ng TV5, lakas maka-throwback

Throwback shows na sumikat ang muling mapapanood sa TV5.

Ang isa ay ang nagsimula ng Mexican telenovela na Marimar na ni-remake na sa local TV at nagbigay kasikatan kay Marian Rivera na biggest break niya sa GMA.

Ang Sing-Galing naman ay ang unang show ni Allan K sa TV5 na pinamunuan ni June Rufino ang entertainment.

Ilang taon ding tumagal ang show hanggang sa nalipat sa GMA si Allan. Iba na rin ang pumalit sa kanya at heto, sa pagbabalik muli ay si Randy Santiago ang balita naming host muli.

Kinukuha nga si Mr. Fu na maging contestant sa coming Sing-Galing. Umayaw siya dahil hindi siya kumakanta, huh!

Balikan ang nakaraang shows sa TV5 kung type niyong panoorin.