Isa sa kontrabida sa action series na Incognito si Polo Ravales. Siya ang kaaway ni Daniel Padilla sa umeere nang palabas ng Kapamilya channel.
“Ako yung kaaway nya sa hometown niya (Daniel) which is sa Benguet. Sarap ka work ni DJ (Daniel.) Seryoso sa trabaho, mabait sa staff and crew and pati sa mga katrabaho. Galing din mag-action. Bagay sa kanya, magaling silang lahat. I’m just happy na na-guest ako sa Incognito,” sabi ng actor na bukod sa pag-arte ay negosyante na rin.
Kasama ang misis niyang si Paulyn Quiza bilang partner sa Royal Indian Curry House na may branch na sa Quezon City.
Mga Indian na matatagal na sa bansa ang kasosyo nila sa nasabing curry house – na naghahain ng authentic Indian food tulad ng Samosa, Bhatti Ka Paneer, Vege Chicken Tikka, Chicken Lababdar, at marami pang iba.
Bukod sa QC meron ding branches ang Royal Indian Curry House sa Makati, MOA, Boracay at Angeles.